Исин Болат Кәрімұлы-суретші, кескіндемеші, сәндік қолданбалы өнердің шебері, КСРО Суретшілер одағының және Қазақстан Республикасы Суретшілер Одағының мүшесі. 1952 жылы 10 қазанда Семей облысы, Мақаншы ауылында дүниеге келген. 1978 жылы Косово халықтық сурет өнері техникумының ағаш кесу бөлімін бітірген. Көптеген жылдар бойы декоративті-қолданбалы өнер саласында еңбек етіп, көптеген көркем туындылардың авторы ретінде танылды.
Алматы қаласында өткен «Жігер» жастар фестивалінің лауреаты (Алматы,1988), «Тау Түрген» Шығармашылық үйінде өткен суретшілердің халықаралық симпозиумының лауреаты (1993, 1995), «Мастер-класс Казахстан 2000» Халықаралық фестивалінің лауреаты (Алматы, 2000), облыс Әкімі сыйлығының лауреаты атанады.
1989 жылы Солнечногорск қаласы «Синеж» КСРО Суретшілер кеңесінің Шығармашылық үйінде өткен жас монументалистер симпозиумына қатысқан. 1992 жылы Франциядағы Қазақстан күндерінде Болат Кәрімұлы мен Күләш Ақашқызының туындылары Париждіктерді тамсандырды. 2003 жылдан бастап ол қазақ халқының дәстүрлері мен мәдени мұрасын белсенді насихаттайтын отандық өнімдер шығаратын «Терме» өндірістік компаниясында жұмыс істейді. 2002 жылы суретшінің жеке көрмесі ұйымдастырылды. Болат Исиннің жетекшілігімен Ұлы Абайдың Мұражай-үйі безендірілді.
Болат Кәрімұлы Исиннің полотнолары ерекше әсерге толы. Суретші қол жеткізген жетістіктерімен тоқтамайды, ол үнемі оқып, көркем сурет өнерінің қыр-сырын терең меңгеріп, жартылай ұмыт бола бастаған халық өнерінің құпияларын қалпына келтіре отырып, өзінің таланты мен жоғары шеберлігінің арқасында күнделікті заттарға қолданбалы өнер саласындағы бай ұлттық дәстүрлерді енгізе алды.
Ағаш – суретшінің сүйікті материалы. Болат Кәрімұлы заттарды безендіру үшін ішкі қабаттарды, металл жастықшаларды және дақтарды бояуды пайдаланады. Жиһазды безендіру өнері өрнектің күрделілігімен және жұмыстың нәзіктігімен ерекшеленеді. Қазақтардың қолданбалы өнері – өткен дәуірдің ең жақсы шедеврлерінің мұрасы. Суретші туындылары облысымыздың тұрғындары мен қонақтарының эсетикалық тәрбиесіне өз үлестерін қосары сөзсіз.
Б.К. Исин туралы әдебиет:
- Исин Болат Кәрімұлы //Жылысов Аңсар. Тарихи туындылар – Б. Исин туындыларында [Мәтін] / А. Жылысов // Aldaspan. – 2019. – 5 желтоқсан (№ 49). – Б. 5 : портр.
- Кумаргазы, Г. Многцветие Болата Исина [Текст] / Г. Кумаргазы // Деловой Усть-Каменогорск. – 2002. – № 11. – С. 24-25 : цв. ил.
- Изобразительное и декоративно-прикладное искусство Восточного Казахстана [Рукопись] .-Усть-Каменогорск: Б. и., Б. г.- 42 с.: ил.
- Черкашина, В. А. Очерки о мастерах [Текст] / В. А. Черкашина. – Усть-Каменогорск: Медиа-Альянс, 2007. — 140 с
