Ақулов Игорь Владимирович
Ауылдық көшелердің біркелкі стилі мен әдемі көрінісі, газондағы шөптер мен гүлзарлар идеясы «Камышинское» шаруашылығының басшысы Владимир Ақулов тарапынан жүзеге асырылуда. Бұл эстетикалық идеяны жүзеге асыруға оның ұлы Игорь көмектеседі, ол әкесінің шаруашылығында 17 жыл бойы бірінші орынбасар ретінде қызмет атқарып келеді.
Металл қоршаулар біркелкі дизайн бойынша «Қамышинское» шаруашылығының машина-трактор шеберханасында қыс мезгілінде дайындалады, ал көктемде орнатылады.
Вавилон ауылдық округінің әкімі Борис Мироновтың айтуынша, қыс кезінде шеберханаларда велосипед тұрақтары да жасалады. Көктемде олар Камышинка мен Пруггерово ауылдарының қоғамдық орындарына – дүкендерге, саябақтарға, клубтарға, наубайханаларға орнатылады.
«Жаз айларында шаруашылық қызметкерлері егіс алқаптарында және фермаларда жұмыс істейді, ал қыс мезгілінде шеберханалық жұмыстармен айналысады. Ауыл тұрғындарын жыл бойы жұмыспен қамту үшін «Қамышинское» шаруашылығының басшысы Владимир Ақулов осындай пайдалы жұмыстармен жүктейді. Қыста әдемі металл қоршаулар мен біркелкі қоқыс салғыштарды жасайды, көктемде орнатады. Сондай-ақ ауылдар үшін көшелік шамдар орнату идеясы бар. Қарап көрейік, мүмкін тағы да пайдалы нәрселер ойлап табамыз», – дейді Б. Миронов.
Игорь Ақулов өзінің айналысатын көгалдандыру жұмысы жаңа мал шаруашылығы кешенінің ферма аумағын қалай өзгертетінін көрсетеді.
«Жасыл шөптер жайқалып өсіп, раушан гүлдері жұпар шашып, қарағайлар мен қайыңдар да бой түзеп жатыр, – дейді ол. – Гүл көшеттерін өсіріп, ауыл тұрғындарына таратуға ниеттіміз, оларды өз аулаларына міндетті түрде отырғызуларына шақырамыз. Барлығы әдемі болуы керек», – деп бөлісті Акуловтың ұлы.
МИА «Қазинформ» бұрын да Шығыс Қазақстанның үздік аграрийі Владимир Ақуловтың шаруашылығы туралы бірнеше рет хабарлаған. «Камышинское» шаруашылығы шамамен 28 жыл бойы тұқымдық және сүтті мал шаруашылығымен айналысады. Мұнда айшир тұқымды ірі қара өсіріледі, мал саны – 2 300 бас, фермалар Камышинка мен Пруггерово ауылдарында орналасқан. Шаруашылықтың жайылымдық және шөптік жерлерінің жалпы аумағы шамамен 19 мың гектар.
Шаруашылық 20 жылдан астам АҚШ-тың аграрлық ұйымдарымен ынтымақтаса отырып, ет-сүт бағытындағы малын жасанды ұрықтандырумен айналысады.
Шаруашылықтағы сүт фермалары барлық қажетті халықаралық стандарттарға сәйкес жасалған. Сүт сауынынан кейін тікелей фермадан екі өңдеуші – «ВостокМолоко» және «Эмиль» компанияларының сүт таситын көліктерімен жөнелтіледі.
Ірі қарадан бөлек, шаруашылық ішкі жұмыстарға аттар, ешкілер, түйелерді пайдаланады. Жалпы алғанда, мұнда шамамен 500 адам жұмыс істейді.
«Камышинское» шаруашылығының басшысы Владимир Ақулов Қазақстанда тек шаруашылықты тиімді басқарумен ғана емес, белсенді қоғамдық және қайырымдылық қызметімен де танымал. Ол «Құрмет», «Парасат» ордендерінің иегері, «Қазақстан Республикасы Ауыл шаруашылығының еңбегі сіңген қызметкері», «Тыңға 50 жыл» медалі, «Қазақстанның еңбек сіңірген қызметкері» және Шемонаиха ауданының Құрметті азаматы атақтарына ие. Владимир Иосифович «Қазақстанның 100 жаңа тұлғасы» тізіміне енген.
Дереккөз:
Солтүстік Қазақстан ауылдары еуропалық көрініс алып жатыр [Электрондық ресурс]: [И. В. Ақуловтың өмірбаяны] – Қолжетімділік режимі: https://lenta.inform.kz/ru/sela-vostochnogo-kazahstana-obretayut-evropeyskiy-vid_a3365459 (Қол жеткізу күні: 15.02.2022)
