Шыбындыкөл – шығыс тұрғындарының сүйікті демалыс орны. Шыбындыкөлдің орташа ұзындығы — 1648 метр, ені — 550 метр, тереңдігі — 6,7 м. Көлдің бір жағында қылқан жапырақты өсімдіктермен көмкерілген көркем таулар орналасқан. Беткейлерінде көптеген бұталар өседі. Мұнда жидек теруге болады, ал жоғарырақ көтерілсеңіз, саңырауқұлақ та жинай аласыз. Балық аулауды ұнататындар үшін де мұнда демалысты қызықты ететін мүмкіндік бар. Жазда көл жақсы жылынады, сондықтан демалушылар шомылудан ләззат алады. Қысқы демалыс та қызық: мұнда балық аулап, коньки теуге болады. Ауа райы да жанға жайлы, өйткені ауа қарағай хош иісіне толы. Шаңғымен серуендеу сізге ерекше қуаныш сыйлайды. Шыбындыкөлде жайлы демалыс үшін сіздерді қуана қарсы алатын демалыс орындары бар.
